#24_másele
#13_sanlı_M_Shapiev_saylaw_okrugi
#Ózbekstan_Ekologiyalıq_partiyası

🌱 Deputat máhállede piyadalar jolı qurılısı menen tanıstı

⚡️ Deputat Sh.Berdimuratov hám Ózbekstan “Ekologiyalıq” partiyası wákili K.Sarıbaev “Gújimli” máhállesindegi piyadalar jolın qurıw boyınsha ámelge asırılıp atırǵan jumıslar menen tanıstı.

Úyreniw dawamında qurılıs jumıslarınıń barısı, joldıń belgilengen talaplar tiykarında qurılıwı, qurılıs materiallarınıń sapası hám jumıslardıń belgilengen múddetlerde orınlanıwına ayrıqsha itibar qaratıldı.

Sonday-aq, piyadalar ushın qáwipsiz hám qolaylı háreketleniw sharayatların jaratıw, xalıq, ásirese, jası úlkenler hám balalardıń jollarda erkin háreketleniwin támiyinlew, jollardıń tiykarǵı kósheler menen tutasqan bólimlerinde qáwipsizlik talaplarına ámel etiw máseleleri kórip shıǵıldı.

Deputat qurılıs jumısların sapalı orınlaw, aymaqtı abadanlastırıw hám piyadalar ushın qolaylı infrastrukturanı qáliplestiriw áhmiyetli ekenligin atap ótip, juwapkerlerge tiyisli usınısların bildirdi.

Bul úyreniwden maqset — máhálle infrastrukturasın jaqsılaw, xalıq ushın qáwipsiz háreketleniw sharayatların jaratıw hám ámelge asırılıp atırǵan qurılıs jumısları ústinen deputatlıq qadaǵalawdı alıp barıwdan ibarat.