Xalq deputatlari Karmana tumani Kengashi kotibiyati mudiri G. Shermatova Narpay mahallasida bo‘lib, Karmana tumanida “Yangi O‘zbekiston qiyofasidagi mahalla” dasturi doirasida amalga oshirilayotgan ishlar bilan tanishdi.
Tashrif davomida mahallada hududni obodonlashtirish, infratuzilmani yaxshilash, aholi uchun qulay shart-sharoitlar yaratish hamda mavjud muammolarni bartaraf etish borasida olib borilayotgan ishlar o‘rganildi.

Shuningdek, dastur doirasida belgilangan vazifalarning bajarilish holati, amalga oshirilayotgan loyihalar va ularning aholi turmush sharoitini yaxshilashga qaratilganligi yuzasidan mas’ullar bilan fikr almashildi.

O‘rganish jarayonida xalq deputatlari tuman Kengashining vakolatlari doirasida deputatlik nazoratini amalga oshirish, belgilangan vazifalar ijrosini kuzatib borish, mavjud muammolarni aniqlash va ularni bartaraf etish bo‘yicha tegishli takliflar ishlab chiqish masalalariga alohida e’tibor qaratildi.

Mazkur yo‘nalishdagi o‘rganishlar dastur ijrosining samaradorligini oshirish, hududlarni kompleks rivojlantirish hamda aholi uchun munosib yashash sharoitlarini yaratishga xizmat qiladi.