Xalq deputatlari Arnasoy tuman Kengashi deputati, tuman hokimi O. Musanov hamda tuman Kengashi deputati E. Rajabov tomonidan Yangibo‘ston mahalla fuqarolar yig‘inida aholi uchun yanada qulay sharoitlar yaratish maqsadida barpo etilayotgan dehqon bozorida olib borilayotgan ishlar jarayoni joyiga chiqqan holda o‘rganildi.

O‘rganish davomida bozor hududida amalga oshirilayotgan ishlar bilan tanishilib, yangi savdo maskanini tashkil etish jarayoniga e’tibor qaratildi. Mazkur bozorning barpo etilishi aholining kundalik ehtiyojlarini qondirish, qishloq xo‘jaligi mahsulotlarini xarid qilish imkoniyatlarini kengaytirish hamda savdo-sotiq uchun qulay sharoitlar yaratishda muhim ahamiyat kasb etadi.

Dehqon bozorlarining faoliyati aholi va ishlab chiqaruvchilar o‘rtasidagi savdo aloqalarini rivojlantirish, mahalliy qishloq xo‘jaligi mahsulotlarini iste’molchilarga yetkazish hamda hududda savdo infratuzilmasini takomillashtirishga xizmat qiladi.