Xalq deputatlari Arnasoy tuman Kengashi raisi B. Bayanasov tomonidan G‘oliblar mahalla fuqarolar yig‘ini hududida joylashgan 10-sonli umumta’lim maktabida bo‘lib, ta’lim muassasasining kuz-qish mavsumiga tayyorgarlik holati hamda o‘quvchilar uchun yaratilgan shart-sharoitlar joyiga chiqqan holda o‘rganildi.

O‘rganish davomida maktabning kuz-qish mavsumida barqaror faoliyat yuritishini ta’minlashga qaratilgan tayyorgarlik ishlari, isitish mavsumida foydalanish uchun shakllantirilgan ko‘mir zaxirasining mavjudligi hamda uning holatiga e’tibor qaratildi. Shuningdek, ta’lim muassasasining moddiy-texnik bazasi, mavjud infratuzilmasi va o‘quv jarayonini tashkil etish uchun yaratilgan sharoitlar ko‘zdan kechirildi.

Shu bilan birga, o‘quvchilarning qulay va xavfsiz sharoitlarda ta’lim olishi, sinf xonalari hamda maktabning boshqa tegishli hududlaridan foydalanish imkoniyatlari bilan bog‘liq jihatlar o‘rganildi. Bunda ta’lim muassasasining mavsumiy sharoitlarga tayyorligi va o‘quvchilar uchun munosib ta’lim muhitini ta’minlash masalalariga alohida e’tibor qaratildi.