МАҲАЛЛА ЕТТИЛИГИ ФАОЛИЯТИ ЎРГАНИЛДИ.

Халқ депутатлари Уйчи туман Кенгаши котибияти мудири Н.Дедаханова ҳамда 18-Гулзор сайлов округи депутати А.Насриддинов томонидан Гулзор МФЙда маҳалла еттилиги фаолияти ўрганилди.
Ўрганиш жараёнида маҳалла еттилиги аъзолари билан суҳбат ўтказилиб, аҳоли билан ишлаш, фуқаролар мурожаатларини ўрганиш ва уларни ҳал этиш, ижтимоий ҳимояга муҳтож оилаларни қўллаб-қувватлаш, ишсиз фуқаролар бандлигини таъминлаш ҳамда ёшлар билан манзилли ишлаш борасида амалга оширилаётган ишлар муҳокама қилинди.
Шунингдек, маҳаллада мавжуд муаммолар ва аҳолини қийнаётган масалалар юзасидан фикр алмашилиб, уларни бартараф этиш бўйича масъулларга тегишли тавсиялар берилди.
Маҳалла еттилиги фаолиятини самарали ташкил этиш, аҳоли мурожаатларига эътиборни кучайтириш ва ҳар бир оила билан манзилли ишлаш муҳим вазифа экани таъкидланди.