Xalq deputatlari tuman Kengashining 2026-yilga mo‘ljallangan ish rejasiga muvofiq O‘zbekiston Ekologik partiyasidan saylangan deputat S.Ramatjonov tomonidan Markaziy dehqon bozorida aholi uchun zarur bo‘lgan asosiy turdagi oziq-ovqat mahsulotlarining narxlari, bozordagi mavjud zaxiralar hamda mahsulotlar ta’minoti holati o‘rganildi.

🟢O‘rganish davomida bozor rastalaridagi asosiy oziq-ovqat mahsulotlarining mavjudligi, ularning zaxirasi va savdoga chiqarilishi holati ko‘zdan kechirildi. Shuningdek, aholi kundalik ehtiyoji uchun zarur bo‘lgan mahsulotlar narxlariga alohida e’tibor qaratildi.

🟢O‘rganish natijalariga ko‘ra, bozorda asosiy turdagi oziq-ovqat mahsulotlari yetarli miqdorda mavjud bo‘lib, ularning zaxirasi aholi talabini qondirish uchun yetarli ekanligi ma’lum bo‘ldi. Mahsulotlar narxlarida ham barqarorlik kuzatilib, bozorda ta’minot bilan bog‘liq jiddiy muammolar aniqlanmadi.

🟢Deputat tomonidan bozordagi narx-navo va mahsulotlar zaxirasini muntazam kuzatib borish, sun’iy taqchillik va asossiz narx oshishining oldini olish, shuningdek, aholiga sifatli mahsulotlarni taklif etish borasidagi ishlarni izchil davom ettirish muhimligi ta’kidlandi.