225-sonli umumta’lim maktabida kuz-qish mavsumiga tayyorgarlik holati o‘rganildi

Xalq deputatlari Mirzo Ulug‘bek tumani Kengashi kotibiyati mudiri, Kengashning 6-Sayram okrugi deputati Shoanvar Shomaxmudov 225-sonli umumta’lim maktabida kuz-qish mavsumiga tayyorgarlik holatini o‘rgandi.

O‘rganish davomida maktab binosining isitish tizimi, qozonxona holati, elektr ta’minoti, deraza va eshiklarning issiqlikni saqlash darajasi hamda sinf xonalarida o‘quvchilar uchun yaratilgan sharoitlarga alohida e’tibor qaratildi.

Shuningdek, qish mavsumida ta’lim jarayonining uzluksizligini ta’minlash, o‘quvchilar va pedagoglar uchun qulay harorat sharoitini yaratish hamda mavjud kamchiliklarni o‘z vaqtida bartaraf etish masalalari ko‘rib chiqildi.

Mavsumga tayyorgarlik ishlarini belgilangan talablar asosida yakunlash va aniqlangan kamchiliklarni bartaraf etish yuzasidan tegishli tavsiyalar berildi.