Xalq deputatlari Yunusobod tumani Xalq deputatlari Kengashi deputati G. Azimova tomonidan “Hamkorobod” mahallasida istiqomat qiluvchi xotin-qizlar bilan O‘zbekiston Respublikasining 2019-yil 2-sentabrdagi O‘RQ-562-sonli “Xotin-qizlar va erkaklar uchun teng huquq hamda imkoniyatlar kafolatlari to‘g‘risida”gi Qonuni mazmun-mohiyati yuzasidan suhbat o‘tkazildi.

⚖️Suhbat davomida mazkur Qonun bilan xotin-qizlar va erkaklar uchun teng huquq hamda imkoniyatlar kafolatlangani, ta’lim olish, mehnat qilish, sog‘liqni saqlash, oilaviy munosabatlar hamda davlat va jamiyat hayotida ishtirok etish borasidagi huquq va imkoniyatlar haqida tushuntirishlar berildi.

👩‍🦰Shuningdek, xotin-qizlarning huquq va manfaatlarini himoya qilish, gender kamsitilishining oldini olish, o‘z huquqlarini bilish va ulardan qonuniy foydalanish masalalariga alohida e’tibor qaratildi.

💬Uchrashuv davomida mahalla xotin-qizlarini qiziqtirgan savollar tinglanib, qonunchilik doirasida tegishli tushuntirishlar berildi.