📌 Xalq deputatlari Yashnobod tumani Kengashi deputati S.Suvonqulov tomonidan «Parvoz» mahallasidagi qurib qolgan va avariya holatidagi daraxtlar yuzasidan yuborilgan deputat so‘roviga tuman ekologiya va iqlim o‘zgarishi bo‘limidan javob xati kelib tushdi.

🔎 Javob xatida deputat so‘roviga asosan tuman davlat inspektorlari tomonidan joyiga chiqib o‘rganish ishlari olib borilgani ma’lum qilindi.

📄 Vazirlar Mahkamasining 2022-yil 22-avgustdagi 464-son qaroriga asosan, mahallalar hududlari hamda ko‘p kvartirali uylar oralig‘i va atrofida, shu jumladan, ko‘chalar va boshqa aholi punktlarida sanitariya maqsadida daraxtlar va butalarni kesish ishlari fuqarolarning o‘zini o‘zi boshqarish organlari, ko‘p kvartirali uylarni boshqarish organlari, shuningdek, jismoniy shaxslarning murojaatiga muvofiq mahalliy ijro etuvchi hokimiyat organlari tomonidan amalga oshirilishi belgilangan.

✅ Shu tariqa, deputat so‘rovidagi qurigan daraxtlar masalasiga aniqlik kiritildi.