Xalq deputatlari Sharof Rashidov tuman Kengashi raisi Akbarova Shoira O‘ktamovna tomonidan 10-sonli umumta’lim maktabida yoshlar bilan uchrashuv tashkil etildi.
Ochiq muloqot shaklida o‘tkazilgan uchrashuv davomida yoshlarning muammolari, taklif va murojaatlari tinglandi hamda ularni qiynayotgan masalalar yuzasidan fikr almashildi.
Shuningdek, O‘zbekiston Respublikasining 2020-yil 27-oktabrdagi “Narkologik kasalliklar profilaktikasi va ularni davolash to‘g‘risida”gi O‘RQ-644-son Qonunining mazmun-mohiyati, uning yoshlar o‘rtasida narkologik kasalliklarning oldini olishdagi ahamiyati haqida tushunchalar berildi.
Uchrashuvda sog‘lom turmush tarzini targ‘ib qilish, yoshlarni zararli odatlardan asrash, narkologik kasalliklarning oldini olish borasida amalga oshirilayotgan ishlar hamda profilaktik tadbirlarning ahamiyatiga alohida e’tibor qaratildi.