🏗️ Bolalar maydonchasi qurilishi rejalashtirilgan hudud o‘rganildi

Xalq deputatlari tuman Kengashi deputatlari I. Qo‘chqorova va K. Xakimovalar tomonidan Ko‘rkam diyor mahallasidagi Intilish ko‘chasi 1-sonli ko‘p qavatli uy yonida bolalar maydonchasi qurilishi rejalashtirilgan yer maydoni ko‘zdan kechirildi.

O‘rganish davomida mazkur hududning holati, bolalar maydonchasini barpo etish uchun mavjud sharoitlar hamda hududdan samarali foydalanish imkoniyatlari ko‘rib chiqildi.

Deputatlar tomonidan bolalar uchun qulay va xavfsiz sharoit yaratish, maydonchani barpo etishda hudud aholisining ehtiyojlarini inobatga olish hamda qurilish ishlarini belgilangan talablar asosida amalga oshirish yuzasidan fikr va takliflar bildirildi.

Mazkur tashabbus mahallada bolalarning bo‘sh vaqtini mazmunli tashkil etish, ularning sport va faol hordiq chiqarishi uchun qulay sharoit yaratishga xizmat qiladi.