DASHTBOG‘ MAHALLASIDA XOTIN-QIZLAR FAOLI ISH FAOLIYATI O‘RGANILDI

Xalq deputatlari Namangan shahar Kengashi kotibiyati mudiri 

N. Ubaydullayev hamda kotibiyat bosh mutaxassisi A. Nurmatov tomonidan “Ko‘chama-ko‘cha” yurish jurnali asosida “Dashtbog‘” mahallasida faoliyat yuritayotgan xotin-qizlar faoli faoliyati o‘rganildi.

O‘rganish davomida mahalladagi xotin-qizlar bilan ishlash, ularning muammolarini aniqlash va hal etishga ko‘maklashish, ijtimoiy qo‘llab-quvvatlashga muhtoj ayollar bilan ishlash hamda xotin-qizlarning bandligini ta’minlash borasida amalga oshirilayotgan ishlar bilan tanishildi.

Shuningdek, xotin-qizlarning murojaatlari bilan ishlash, ularning qiziqish va imkoniyatlaridan kelib chiqib, kasb-hunar o‘rganishi hamda tadbirkorlik faoliyati bilan shug‘ullanishiga ko‘maklashish masalalariga e’tibor qaratildi.

Mazkur o‘rganish mahalliy Kengash deputatlari faoliyatining 

6-yo‘nalishi — ijtimoiy himoyaga muhtoj oilalar va fuqarolar bilan ishlash hamda 23-yo‘nalishi — aholi bandligini ta’minlashga oid vazifalar bilan hamohangdir.

Huquqiy asos sifatida O‘zbekiston Respublikasining 2019-yil 

2-sentabrdagi O‘RQ-562-son “Xotin-qizlar va erkaklar uchun teng huquq hamda imkoniyatlar kafolatlari to‘g‘risida”gi Qonuni xotin-qizlar va erkaklar uchun teng huquq hamda imkoniyatlarni ta’minlashning huquqiy asoslarini belgilaydi.

Mahallalarda xotin-qizlar bilan ishlash tizimini samarali tashkil etish, ularning muammolariga o‘z vaqtida yechim topish va bandligini ta’minlashga ko‘maklashish muhim ahamiyatga ega.