Xalq deputatlari Jalaquduq tuman Kengashi deputati N. Abdumo‘minova tomonidan 26-umumta’lim maktabida 10–11-sinf o‘quvchilari,
xususan o‘g‘il bolalar ishtirokida jinoyatchilik va huquqbuzarliklarning oldini olishga bag‘ishlangan ochiq muloqot tashkil etildi. Tadbirdan
ko‘zlangan asosiy maqsad - yoshlar o‘rtasida qonunga hurmat, huquqiy madaniyat va javobgarlik hissini shakllantirish, ularni turli salbiy ta’sirlardan asrash hamda jinoyatchilik- ka olib keluvchi omillarni barvaqt bartaraf etishdan iborat bo‘ldi. Suhbat davomida voyaga yetmaganlar o‘rtasida sodir etilayotgan huquqbuzarliklarning sabab va oqibatlari, internet va ijtimoiy tarmoqlardagi tahdidlar, giyohvandlik
va boshqa illatlarning yoshlar hayotiga salbiy ta’siri atroflicha tushuntirildi. Shuningdek, har bir yoshning o‘z kelajagi uchun mas’ul ekani,
ta’lim-tarbiyaga jiddiy yondashish, sog‘lom turmush tarzini tanlash va vatanparvarlik ruhida yashash muhimligi alohida ta’kidlandi. Tadbirda
tuman IIB profilaktika inspektori F.Malikov hamda tuman MMTB vakili S.Turg‘unboyevlar ishtirok etdilar