Obodonlashtirish ishlari va “Sohil bo‘yi” loyihasi doirasidagi bunyodkorlik jarayonlari o‘rganildi

 Xalq deputatlari Navoiy shahar Kengashi deputatlari D.Ergashev hamda J.Mirzayev hududlarda amalga oshirilayotgan obodonlashtirish va sanitariya-tozalik ishlari bilan yaqindan tanishmoqda. Shuningdek, ular “Sohil bo‘yi” loyihasi doirasida olib borilayotgan bunyodkorlik ishlarining borishini ko‘zdan kechirib, qurilish va obodonlashtirish jarayonlarini atroflicha o‘rganildi.

O‘rganishlar davomida hududlarni yanada obod va zamonaviy ko‘rinishga keltirish, aholi uchun qulay va xavfsiz sharoitlar yaratish, infratuzilmani yaxshilash masalalariga alohida e’tibor qaratildi. Deputatlar tomonidan mas’ul tashkilotlar va mutasaddilarga tozalikni ta’minlash, tartib-intizomni mustahkamlash hamda amalga oshirilayotgan ishlar sifatini doimiy nazorat qilish yuzasidan tegishli topshiriqlar berildi.

Ta’kidlanganidek mavjud muammolarni o‘z vaqtida bartaraf etish shahar aholisi uchun yanada farovon muhit yaratishga xizmat qiladi.