Kuni kecha xalq deputatlari Shahrisabz tumani Kengashi deputati, O‘zbekiston Ekologik partiyasi deputatlik guruhi rahbari B.Elboyev o‘z saylov okrugida o‘tkazgan navbatdagi o‘rganishlari davomida aholi e’tiroziga sabab bo‘layotgan noxush holatga duch kelgan edi.

O‘rganishlar davomida hududda axlat uyumlari yig‘ilib qolgani, bu esa atrof-muhit musaffoligiga putur yetkazish bilan birga, sanitariya-epidemiologik vaziyatga salbiy ta’sir ko‘rsatayotgani aniqlandi.

Mazkur muammoni zudlik bilan bartaraf etish va hududni chiqindilardan tozalash bo‘yicha keskin choralar ko‘rish maqsadida, deputat tomonidan tuman Ekologiya, atrof-muhitni muhofaza qilish bo‘limiga 2026-yil 20-fevral sanasi bilan rasmiy 16-ds-350-26-sonli Deputat so‘rovi yuborildi.