Халқ депутатлари Кўкдала туман Кенгашининг навбатдаги VII-чақириқ ўн тўққизинчи сессияси бугун 2026-йил 15-январь куни соат 14:00 да туман ҳокимлигининг мажлислар залида бўлиб ўтди. Сессияда туман ҳокими ўринбосарлари, ижро органлари, ҳуқуқни муҳофаза қилувчи идоралар раҳбарлари, жамоат ташкилотлари ва оммавий ахборот воситалари вакиллари қатнашдилар. Сессия йиғилишида туманга оид бир қанча масалалар кўриб ўтилди. 

Туман адлия бўлими томонидан 2025-йил давомида норма ижодкорлиги ҳамда ҳуқуқни қўллаш амалиёти юзасидан амалга оширилган ишлари тўғрисида ахбороти;

Кўкдала туман халқ қабулхонаси томонидан 2025-йил якуни бўйича туман аҳолиси мурожаатлари ҳолати юзасидан амалга оширилган ишлари тўғрисида ахбороти; 

Ўзбекистон Республикаси Президентининг 2025-йил 7-февралдаги Қашқадарё вилоятини ижтимоий- иқтисодий ривожлантиришни жадаллаштириш бўйича қўшимча чора тадбирлар тўғрисидаги ПҚ-44-сонли қарори ижроси тўғрисида;

Ўзбекистон Республикаси Президентининг 2024-йил 25-ноябрдаги Камбағалликдан фаровонлик сари дастурини амалга оширишга фаол нуронийларни жалб этиш чора тадбирлари тўғрисидаги 405-сонли қарорининг тумандаги ижроси тўғрисидаги ҳисоботлар ҳамда туманга оид бир қанча масалалар кўриб ўтилди.