Xalq deputatlari Jondor tumani Kengashiga 8-Oxshix saylov okrugidan saylangan deputat X. Xodjayev tomonidan O‘zbekiston Respublikasi Vazirlar Mahkamasining 16.03.2019 yildagi "Gaz xo‘jaligida xavfsizlik qoidalarini tasdiqlash to‘g‘risida"gi 226-sonli qarori ijrosini ta’minlash maqsadida Oxshix qishlog‘ida aholini tabiiy gaz bilan barqaror va xavfsiz ta’minlash masalasi o‘rganildi.

🔹O‘rganishlar davomida qishloq hududidagi ayrim gaz quvurlarining texnik holati talab darajasida emasligi, ularni kapital ta’mirlash zarurligi aniqlandi. Mazkur holat, avvalo, aholining xavfsizligi va tabiiy gaz ta’minotining barqarorligiga bevosita ta’sir qilishi mumkin.

🔹Shu munosabat bilan deputat X. Xodjayev tomonidan “Jondortumangaz” GTB boshlig‘i G. Nosirov nomiga deputat so‘rovi yuborilib, Oxshix qishlog‘idagi nosoz gaz quvurlarini kapital ta’mirlash, mavjud muammolarni bartaraf etish hamda gaz ta’minoti tizimining texnik holatini yaxshilash choralarini ko‘rish so‘raldi.

🔹Deputatning ta’kidlashicha, saylovchilar murojaatlarida ko‘tarilayotgan bunday muammolarni amaliy hal etish, aholining xavfsiz va munosib yashashi uchun zarur shart-sharoitlarni yaratish deputatlik faoliyatining ustuvor yo‘nalishlaridan biridir.

🔹Mazkur masala deputatlik nazoratiga olinib, so‘rov yuzasidan tegishli tashkilot tomonidan ko‘riladigan choralar va ishlarning natijasi o‘rganib boriladi.