Hashar — ezgulik va hamjihatlik timsoli

Sariosiyo tumanida “Mahallada obodlik va mehr-saxovat oyligi” doirasida obodonlashtirish va hashar tadbirlari barcha mahallalar, davlat tashkilotlari hamda muassasalarda uyushqoqlik bilan davom etmoqda.

Hashar tadbirlarida Obodonlashtirish boshqarmasi xodimlari, mahalla faollari, nuroniylar, yoshlar hamda keng jamoatchilik vakillari faol ishtirok etmoqda. Mahallalar, ko‘chalar, aholi yashash maskanlari, qabristonlar, mahalla binolari, korxona va tashkilotlar hududlarida sanitariya-tozalik ishlari olib borilib, atrof-muhit obod holatga keltirilmoqda.

Shuningdek, yashil hududlarni parvarishlash, daraxt va gulzorlarni tartibga keltirish, uy-joylar atrofi, qabristonlar hamda jamoat maskanlarini obodonlashtirish ishlari izchil davom ettirilmoqda.