Xalq deputatlari Qo‘qon shahar Kengashining 20-"Tulaboy" saylov okrugidan saylangan deputati O‘.Maxmudov tomonidan Ganjiravon mahalla fuqarolar yig‘inida navbatdagi fuqarolar qabuli o‘tkazildi.

Qabul davomida mahalla aholisining murojaatlari, ularni qiynayotgan dolzarb muammolar hamda hududni ijtimoiy-iqtisodiy rivojlantirishga oid takliflar atroflicha tinglanib, har bir murojaat bo‘yicha amaldagi qonunchilik talablaridan kelib chiqib huquqiy tushuntirishlar berildi. Shuningdek, fuqarolarni qiziqtirgan masalalar yuzasidan ularning taklif va mulohazalari eshitilib, murojaatlar belgilangan tartibda ko‘rib chiqilishi ma’lum qilindi.

Xususan, qabul davomida fuqaro D.Turdiyev tomonidan kadastr masalasi yuzasidan murojaat bildirildi. Murojaatda yerga oid huquqiy masalani qonunchilik asosida hal etish hamda tegishli tashkilotlar tomonidan amaliy ko‘mak ko‘rsatish so‘raldi.

Mazkur murojaat deputat tomonidan atroflicha o‘rganilib, masalaga huquqiy baho berish hamda uni qonunchilikda belgilangan tartibda hal etish maqsadida tegishli mutasaddi tashkilot nomiga deputatlik so‘rovi yuborishga kelishib olindi.

Qabul davomida fuqarolar bilan ochiq muloqot o‘tkazilib, ularning murojaatlarini o‘z vaqtida ko‘rib chiqish, qonuniy manfaatlarini himoya qilish hamda hududdagi mavjud muammolarni tizimli ravishda bartaraf etish masalalari yuzasidan fikr almashildi.

Xalq deputatlari Qo‘qon shahar Kengashi