Xalq deputatlari Qo‘qon shahar Kengashining 20-"Tulaboy" saylov okrugidan saylangan deputati O‘.Maxmudov tomonidan Ganjiravon mahalla fuqarolar yig‘inida navbatdagi fuqarolar qabuli o‘tkazildi.

Qabul davomida mahalla aholisining murojaatlari, ularni qiynayotgan dolzarb muammolar hamda hududni ijtimoiy-iqtisodiy rivojlantirishga oid takliflar atroflicha tinglanib, har bir murojaat bo‘yicha qonunchilik talablaridan kelib chiqib tegishli tushuntirishlar berildi.

Xususan, fuqaro O.Yuldashev tomonidan mahalla hududida daydi hayvonlar sonining keskin ortib borayotgani, bu holat fuqarolar, ayniqsa yosh bolalar xavfsizligiga xavf tug‘dirayotgani hamda sanitariya holatiga salbiy ta’sir ko‘rsatayotgani yuzasidan murojaat bildirildi. Fuqaro mazkur muammoni bartaraf etish bo‘yicha amaliy yordam ko‘rsatishni so‘radi.

Murojaat deputat tomonidan batafsil o‘rganilib, masalani vakolatli tashkilotlar bilan hamkorlikda hal etish maqsadida O‘zbekiston Respublikasining "Xalq deputatlari viloyat, tuman va shahar Kengashi deputatining maqomi to‘g‘risida"gi Qonuni talablariga muvofiq deputatlik so‘rovi yuborishga kelishib olindi.

Qabul davomida fuqarolar bilan ochiq muloqot o‘tkazilib, ularning murojaatlarini o‘z vaqtida ko‘rib chiqish, muammolarga qonuniy va amaliy yechim topish hamda aholi manfaatlarini himoya qilish masalalari yuzasidan fikr almashildi.

Xalq deputatlari Qo‘qon shahar Kengashi