O‘zbekiston Respublikasi Prezidentining 2024 yil 24 dekabrda qabul qilingan PQ-454-sonli qarori doirasida, Jondor tumanini ijtimoiy-iqtisodiy rivojlantirish bo‘yicha bir qator chora-tadbirlar belgilab qo‘yilgan. Ushbu loyihalarni nazorat qilish ishlari Xalq deputatlari Jondor tumani Kengashi deputatlari tomonidan amalga oshirilmoqda.

Jumladan deputat I.Xolov «Ibn Sino» mahallasidagi 37- maktabda yangi o‘quv binosini qurilishi bo‘yicha ishlarni o‘rgandi va qurilish-montaj ishlari yuzasidan o‘z tavsiyalarini berdi. Ushbu loyiha tumanning ta’lim infratuzilmasini mustahkamlash va yoshlarga zamonaviy ta’lim sharoitlarini yaratish maqsadida amalga oshirilmoqda.

Yangi maktabning qurilishi xalqning ta’limga bo‘lgan ehtiyojini yuqori darajada ta’minlashga yo‘naltiriladi. Rivojlanish va zamonaviy bilim olish uchun yaratilgan sharoitlar aholining ijtimoiy faolligini oshirishga xizmat qiladi.

Raxmat Murodov,

Xalq deputatlari Jondor tumani Kengashi kotibiyati bosh mutaxassisi