Tuman Kengashi deputati Go‘zal Sayitqulova hamda viloyat Kengashi deputati Ro‘ziqul Primqulovlar o‘z saylov okrugida joylashgan mahalla yettiligi vakillari hamda fuqarolar bilan ochiq uchrashuv o‘tkazishdi.

Uchrashuv davomida deputatlar saylovchilar bilan bevosita muloqot qilib, ularning muammo va takliflarini tingladi. Muloqotda mahalla raisi, otinoyilar, yoshlar yetakchisi, profilaktika inspektori, xotin-qizlar faoli, nuroniylar va ta’lim muassasalari vakillari faol ishtirok etdi.

🔹 Muhokama etilgan asosiy masalalar:

ichki yo‘llarni ta’mirlash va obodonlashtirish,

mahallani yoritish tizimini yaxshilash,

ishsiz yoshlarni kasbga yo‘naltirish,

ehtiyojmand oilalarni qo‘llab-quvvatlash.

🎙 Shuningdek, deputatlar o‘zlarining choraklik faoliyati yuzasidan axborot berib, ilgari bildirilgan murojaatlar bo‘yicha amalga oshirilgan ishlar va natijalar haqida ma’lumot taqdim etishdi.

“Mahalla — jamiyat yuragi. Har bir masala saylovchi bilan birgalikda hal bo‘lishi kerak”, — deya ta’kidladi deputatlar.