"Birlashgan" mahallasida “Qo‘shchinor” madaniyat markazi o‘z faoliyatini boshladi.

Tumanimizda yana bir madaniyat va san’at sohasida yangi sahifa, 286 o‘rinli, barcha zamonaviy qulayliklarga ega bo‘lgan “Qo‘shchinor” madaniyat markazi foydalanishga topshirildi. Mazkur inshoot 7 milliard so‘mlik mablag‘ evaziga qurilgan bo‘lib, nafaqat mahalla aholisi, balki butun tuman uchun yangi madaniy markazga aylanishi kutilmoqda. 

“Qo‘shchinor” madaniyat markazi yangi avlodni tarbiyalashda, ularning ijodiy va estetik qobiliyatlarini rivojlantirishda, shuningdek, jamiyatda madaniy va ma’naviy uyg‘onishni yanada kuchaytirishda muhim ahamiyatga ega. 

Tadbirda ishtirok etgan Xalq deputatlari Sardoba tuman Kengashi raisi Z.Karimov va viloyat deputati M.Kenjayeva tuman Kengashi deputatlari R.Tashpulatov, G.Abdumalikova, J.Umarovlar yangi madaniyat markazining tuman madaniyati va san’ati rivojida muhim poydevor bo‘lishini, shuningdek, aholi uchun ko‘plab yangi ijtimoiy va ma’rifiy imkoniyatlarni yaratishini aytdi.