Хalq deputatlari Qo‘shko‘pir tuman Kengashi deputati Artiqova Oybibi Sa’dullayevna tomonidan “Qadriyat” mahallasida oila mustahkamligini ta’minlash, ajrimlarning oldini olish, milliy qadriyatlar va ma’naviy hayotni mustahkamlashga qaratilgan bir qator amaliy tadbirlar o‘tkazib kelinmoqda.

Deputatning tashabbusi bilan tashkil etilgan uchrashuvlarda oilalardagi ijtimoiy-ruhiy muammolar, o‘zaro kelishmovchiliklar, ajrimga olib kelishi mumkin bo‘lgan omillar atroflicha muhokama qilindi. Ayniqsa, yosh oilalar o‘rtasida oilaviy tarbiya, sabr-toqat, bag‘rikenglik va milliy qadriyatlar haqida tushuntirish ishlari samarali tashkil etildi.

Fuqarolar bilan yuzma-yuz muloqotlar, oilalarga amaliy maslahatlar berish, muammoli oilalarni yarashtirish bo‘yicha olib borilgan ishlarning natijasida bir qator ajrim yoqasida turgan oilalar qayta yarashtirilib, tinchlik va hamjihatlik muhiti tiklanishiga erishildi.

Artiqova Oybibi Sa’dullayevna tomonidan olib borilayotgan bunday faoliyat xalq vakillarining mas’uliyati, oila institutlarini mustahkamlashdagi faol o‘rnini yanada namoyon etmoqda.