Xalq deputatlari Boyovut tumani Kengashi deputati Karomat Karimova hamda A.Navoiy mahalla xotin-qizlar faoli bilan birgalikda mahalladagi “Ayollar daftari”da ro‘yxatda turgan uy-joyga muhtoj ayollar bilan uchrashuv va suhbat o‘tkazdi.

Suhbat davomida ayollarning ijtimoiy-iqtisodiy muammolari, yashash sharoitlari hamda ularni qo‘llab-quvvatlash masalalari muhokama qilindi. Mavjud muammolarni hal etish yuzasidan tegishli tavsiyalar berildi va mas’ul tashkilotlar bilan hamkorlikda chora-tadbirlar belgilanishi kelishildi.