Mamlakatimiz Prezidenti joriy yilning 1-2-may kunlari viloyatimizga tashrifi chog‘ida ko‘p yillar davomida el-yurt uchun fidokorona xizmat qilgan davlat va jamoat arbobi Shakarjon Xo‘janiyozova tavalludining 70 yilligini keng nishonlash hamda xotirasini abadiylashtirish bo‘yicha topshiriq bergan edi. 12 iyun – Shakarjon Xo‘janiyozova tavallud topgan sanada viloyatimizda yurtimizning ardoqli farzandi xotirasiga bag‘ishlangan qator tadbirlar bo‘lib o‘tdi.

Chinakam o‘zbek ayoli timsoli bo‘lgan, fidoyi va matonatli rahbar Shakarjon Xo‘janiyozova yashab o‘tgan xonadonda uy muzeyi ochildi. Muzeydan Shakarjon Yusupovnaning hayoti va faoliyatiga oid eksponatlar o‘rin olgan. Seminar ishtirokchilari uy muzeyida bo‘lib, Shakarjon Yusupovnaning ko‘p yillik mehnat faoliyati va el-yurt ravnaqi uchun ko‘rsatgan fidokorona xizmatlarini yana bir bor yodga olishdi uning hayoti va faoliyatiga oid eksponatlar bilan yaqindan tanishdilar.