Tumanning “S.Raximov” mahallasi Novobahsh va U.Boymetov ko‘chalarida amalga oshirilayotgan ta’mirlash ishlari Kengashning Agrar, qurilish, kommunal sohalar, ekologiya, sanoat va transport masalalari bo‘yicha doimiy komissiyasi raisi F.Axmedov tomonidan o‘rganildi.

🔺O‘rganish davomida mahallada aholi xonadonlariga olib boruvchi ichki yo‘llarni obodonlashtirish va transport harakati uchun qulay sharoit yaratish maqsadida olib borilayotgan asfaltlashtirish ishlarining borishi mahalla raisi va tuman Obodonlashtirish boshqarmasi mas’ullari ishtirokida yaqindan tanishildi.

🔺Deputat tomonidan, avvalo, asfalt yotqizilayotgan yo‘l qismining tayyorgarlik holati, yo‘l asosining mustahkamligi, tekislanishi hamda asfalt qoplamasini yotqizish texnologiyasiga rioya etilishiga e’tibor qaratildi. Shuningdek, asfalt qoplamasining tekis va sifatli yotqizilishi, yo‘lning belgilangan sath va nishablik asosida bajarilishi, yo‘l chetlarining tartibga keltirilishi hamda yog‘ingarchilik paytida suv to‘planib qolishining oldini olish masalalari ko‘rib chiqildi.

🔺Tumanning turli mahallalarida olib borilayotgan asfaltlashtirish ishlarining sifati va belgilangan talablar asosida bajarilishi ustidan deputatlik nazoratini davom ettirilishi ma’lum qilindi.