ЯНГИҚЎРҒОН ТУМАНИДА ЯНГИ АЁЛЛАР САЛОМАТЛИК МАРКАЗИ ФАОЛИЯТИ ЙЎЛГА ҚЎЙИЛДИ
❗️Бугун Янгиқўрғон туманида хотин-қизлар саломатлигини мустаҳкамлаш, уларга замонавий ва сифатли хизматлар кўрсатиш мақсадида ташкил этилган янги Аёллар саломатлик марказининг тантанали очилиш маросими бўлиб ўтди.

Мазкур тадбирда Янгиқўрғон туман ҳокими ўринбосари, Оила ва хотин-қизлар бўлими бошлиғи Н. Абдурахмонова ҳамда Халқ депутатлари Янгиқўрғон туман Кенгаши котибияти мудири М. Эргашева иштирок этиб, марказ фаолияти билан яқиндан танишдилар.
Тадбир давомида мамлакатимизда хотин-қизларни ҳар томонлама қўллаб-қувватлаш, уларнинг саломатлигини муҳофаза қилиш, бандлигини таъминлаш ва тадбиркорлик фаолиятини ривожлантириш борасида амалга оширилаётган ишлар хусусида алоҳида тўхталиб ўтилди.
Қайд этилганидек, мазкур марказда хотин-қизлар учун массаж, соғломлаштириш ва саломатликни тиклаш хизматлари ташкил этилган бўлиб, бу аҳолига янада қулай ва сифатли хизмат кўрсатиш имкониятини яратади.
Шунингдек, марказ фаолиятини йўлга қўйган тадбиркор аёл томонидан икки нафар ишсиз хотин-қиз доимий иш билан таъминланди. Бу эса хотин-қизлар бандлигини таъминлаш ва уларнинг даромад манбаини шакллантиришда муҳим аҳамият касб этади.
Тадбир иштирокчилари марказда яратилган шарт-шароитларни кўздан кечириб, келгусида хизмат турларини янада кенгайтириш ва аҳолига кўрсатилаётган хизматлар сифатини ошириш юзасидан ўз таклиф ва тавсияларини билдирдилар.
✔️ Хотин-қизлар саломатлигини муҳофаза қилиш, уларни қўллаб-қувватлаш ва бандлигини таъминлашга қаратилган бундай эзгу ишлар туманда изчил давом эттирилмоқда.