#tavsiyalar_asosida_aholi_bandligi

Mirzo Ulug‘bek mahalla fuqarolar yig‘inida xotin-qizlar bandligini ta’minlash borasida olib borilayotgan ishlar joyiga chiqqan holda o‘rganildi. Jarayon davomida mahallada faoliyat yuritayotgan go‘zallik saloni ko‘zdan kechirilib, unda yaratilgan ish o‘rinlari, xizmat ko‘rsatish yo‘nalishlari va ayollarning amaliy faoliyati bilan yaqindan tanishildi.

Suhbatlar davomida xotin-qizlarning tadbirkorlikka kirib kelish tajribasi, o‘z faoliyatini yo‘lga qo‘yish jarayonlari hamda daromad manbalarini shakllantirish borasidagi yondashuvlari tinglandi. Shuningdek, davlat tomonidan yaratilayotgan imtiyoz va imkoniyatlardan foydalanish holati yuzasidan ham fikr almashildi.

O‘rganish jarayonida ayollar bandligini ta’minlashda amaliy yondashuv, o‘zini o‘zi band qilish va xizmat ko‘rsatish sohasini rivojlantirish muhim omil ekani yana bir bor namoyon bo‘ldi. Mazkur yo‘nalishda mavjud imkoniyatlardan unumli foydalanish orqali barqaror daromad manbalarini yaratish mumkinligi qayd etildi.

🌎 Xalq deputatlari Kogon shahar Kengashining ijtimoiy tarmoqlardagi sahifalariga a'zo bo'ling!

Facebook (https://www.facebook.com/profile.php?id=61580100445021) /Youtube (https://youtube.com/@xalqdeputatlarikogonshahar-g8r?si=tTSW0oZuoAxxdcXO) /Telegramm (https://t.me/KogonshaharKengashiVI) /Instagram (https://www.instagram.com/kogonshaharkengashi?utm_source=qr&igsh=NDRrbGprbzRpMmZs)/ Veb sayt (https://kengash.gov.uz/news?region_id=2&authority_id=276)