MÚRÁJAT ÓZ SHESHIMIN TAPTÍ

Qaraózek rayonı Qutlı mákan puqaralar jıyını aymaǵındaǵı Nurlı tań kóshesi turǵınları bir neshe jıllardan berli ishimlik suwı mashqalasınan qıynalıp keldi.

Puqaralar bul baǵdarda múrájatların bildirip, usı tiykarda rayon hákimligi, «Qaraqalpaq suw támiynatı» JShJ Qaraózek rayonı filialı wákilleri menen birge aymaqtan saylanǵan deputat, sekretariat baslıǵı Q.Jaqsımuratov úyreniw jumısların alıp bardı. 

https://t.me/xdrk_qaraozek/9438

Suw támiynatı filialı tárepinen búgingi kúnde 250 metr aralıqqa jańadan suw tarmaǵı tartılıp, 5 xojalıqqa taza ishimlik suw tarmaǵın tartıw jumısları juwmaqlandı. 

«Qaraqalpaq suw támiynatı» JShJ Qaraózek rayonı filialı xızmetkerlerine minnetdarshılıq bildiremiz.