Xalq deputatlari Bag‘dod tumani Kengashining “18-Do‘rmancha” saylov okrugi deputati A.Umurzaqov, Kengash Kotibiyati mudiri G‘.Abdullayev, Kotibiyat bosh mutaxassisi U.Raximjonov hamda O‘zbekiston Xalq demokratik partiyasi Bag‘dod tuman Kengashi raisi, tuman Kengashi deputati D.Xamraqulov tomonidan “Istiqlol” mahalla fuqarolar yig‘ini hududida ijtimoiy-iqtisodiy rivojlantirish dasturiga kiritilgan loyiha faoliyati joyiga chiqqan holda o‘rganildi.

O‘rganish davomida Xoldarova Shoxidaxon Nosirjonovna tomonidan amalga oshirilgan “O‘quv markazi tashkil etish” loyihasi faoliyati bilan yaqindan tanishildi.

🔹 Mazkur loyiha to‘liq ishga tushirilgan bo‘lib, mahallada aholiga ta’lim xizmatlarini ko‘rsatish, tadbirkorlikni rivojlantirish va aholi bandligini ta’minlashga xizmat qilmoqda.

🔹 Loyiha doirasida 5 nafar fuqaroning doimiy bandligi ta’minlangan.

O‘rganish jarayonida o‘quv markazida yaratilgan sharoitlar, faoliyat samaradorligi hamda aholiga ko‘rsatilayotgan ta’lim xizmatlari sifati ko‘zdan kechirildi.

Yakunida loyiha faoliyatini yanada rivojlantirish, xizmatlar sifatini oshirish va erishilgan natijalarni mustahkamlash yuzasidan tadbirkorga tegishli tavsiya va takliflar berildi.