Olmaliq shahar “Cho‘lpon” mahallasida “Dolzarb 40 kunlik” loyihasi doirasida amalga oshirilayotgan obodonlashtirish va bunyodkorlik ishlari atroflicha o‘rganildi.
📌 O‘rganishda:
Xalq deputatlari shahar Kengashi kotibiyati mudiri Sevar Qodirova;
Shahar hokimining birinchi o‘rinbosari Shermuhammad Begiyev;
Hudud deputati Azamat Mavlonovning Kotibiyatdan biriktirilgan vakili Mukarram Nematullayeva;
Shahar hokimligi Qurilish va kommunal xo‘jaligi bo‘limi vakillari hamda “Mahalla yettiligi” ishtirok etdi.

🔍 Monitoring davomida avvalgi o‘rganishlardan so‘ng erishilgan natijalar, hususan:
Obodonlashtirish va tozalik ishlari;
Maishiy chiqindilarni o‘z vaqtida olib chiqib ketilishi;
Ichki ko‘chalarning holati va tungi yoritish tizimlarining ishlashi;
“Mahalla yettiligi”ning o‘zaro hamkorlik darajasi atroflicha ko‘rib chiqildi.

📉 O‘rganishlar shuni ko‘rsatdiki, avvalgi tekshiruvlarga nisbatan hududda ancha tartib o‘rnatilgan va ijobiy o‘zgarishlar kuzatilgan.
Biroq, saqlanib qolayotgan ayrim kamchiliklar yuzasidan mas’ullarga hamda “Mahalla yettiligi”ga aniq topshiriq va ko‘rsatmalar berildi. Aniqlangan barcha muammolar Deputatning ko‘chama-ko‘cha yurish va muammolarni qayd etish jurnaliga kiritilib, ijrosi qat’iy nazoratga olindi.