Xalq deputatlari Bag‘dod tumani Kengashining "14-A.Ikromov" saylov okrugi deputati D.Xamraqulov hamda Kengash Kotibiyati bosh mutaxassisi A.Ismoilov tomonidan deputatga biriktirilgan O‘zbekiston Respublikasining “Mudofaa to‘g‘risida”gi Qonuni ijrosi yuzasidan tuman Mudofaa ishlari bo‘limida o‘rganish ishlari olib borildi.

🔎 O‘rganish davomida quyidagilar aniqlandi:

▪️ Qonun ijrosini ta’minlash bo‘yicha bo‘limning ish rejasi ishlab chiqilib, tasdiqlangan hamda belgilangan vazifalar asosida ishlar olib borilmoqda.
▪️ “Mudofaa to‘g‘risida”gi Qonun talablari xodimlarga muntazam yetkazilib, tushuntirish tadbirlari o‘tkazib kelinmoqda.
▪️ Tuman hududidagi harbiy xizmatga majburlar va chaqiriluvchilarning yagona hamda aniq hisobini yuritish tizimi yo‘lga qo‘yilgan. Mahallalar bilan hamkorlikda hisob-kitob ishlari amalga oshirilmoqda.
▪️ Muddatli harbiy xizmatga chaqiruv tadbirlari tizimli tashkil etilib, chaqiruvga jalb qilinishi lozim bo‘lgan fuqarolar belgilangan muddatlarda xabardor qilinmoqda.
▪️ Chaqiruvdan bo‘yin tovlagan fuqarolar yuzasidan tegishli choralar ko‘rilmoqda. O‘tgan davrda 180 ta holat aniqlanib, ushbu fuqarolarga nisbatan Ma’muriy javobgarlik to‘g‘risidagi kodeksning 235-moddasiga asosan tegishli choralar ko‘rilgan.
▪️ Yoshlarni harbiy-vatanparvarlik ruhida tarbiyalash, ularni harbiy xizmatga tayyorlash maqsadida hamkor tashkilotlar bilan birgalikda 10 ta harbiy-vatanparvarlik tadbiri hamda 130 ta targ‘ibot-tashviqot tadbiri o‘tkazilgan.
▪️ Maktablar, mahallalar va yoshlar tashkilotlari bilan hamkorlikda yoshlarni vatanparvarlik ruhida tarbiyalashga qaratilgan tadbirlar muntazam tashkil etilmoqda.
▪️ Safarbarlik rejalarining bajarilishini ta’minlash yuzasidan tuman hokimligi, Ichki ishlar bo‘limi, Tibbiyot birlashmasi hamda umumiy o‘rta ta’lim maktablari bilan hamkorlik yo‘lga qo‘yilgan.
▪️ Chaqiruv masalalari bo‘yicha kelib tushgan 1 ta murojaat ijobiy hal etilgan.
▪️ Tuman Mudofaa ishlari bo‘limining moddiy-texnik bazasi mavjud vazifalarni bajarish uchun yetarli holatda.
▪️ Fuqarolarni qabul qilish uchun zarur sharoitlar yaratilgan, arxiv va harbiy hisob hujjatlari belgilangan tartibda saqlanmoqda.
▪️ Axborot-kommunikatsiya texnologiyalaridan foydalanish yo‘lga qo‘yilgan.

📌 Xulosa qilib aytganda, o‘rganish davomida tuman Mudofaa ishlari bo‘limi tomonidan “Mudofaa to‘g‘risida”gi Qonun talablarini amalga oshirish, harbiy xizmatga chaqiruvni tashkil etish, harbiy hisobni yuritish hamda yoshlarni harbiy-vatanparvarlik ruhida tarbiyalash borasida tegishli ishlar olib borilayotgani aniqlandi.