Xalq deputatlari Muzrabot tumani Kengashi kotibiyati mudiri D.Sherboyev va Kengash kotibiyati bosh mutaxassisi Sh. Shoymardanov tomonidan 6-Duoba saylov okrugi hududida joylashgan “Yakkatol” MFYda tuman Kengashi deputatining “Mahalliy Kengash deputati faoliyatining eng muhim 24 ta yo‘nalishi” bo‘yicha tavsiyalarda belgilangan vazifalar ijrosi hamda “mahalla yettiligi” bilan o‘zaro hamkorlik faoliyati o‘rganildi.

Shuningdek, o‘rganish davomida xalq deputatlari tuman Kengashining navbatdagi sessiyasi kun tartibiga kiritilishi rejalashtirilgan masalalar yuzasidan amaliy o‘rganish ishlari ham olib borildi.

O‘rganish jarayonida Oliy Majlis Senati tomonidan tavsiya qilingan “Mahalliy Kengash deputati faoliyatining eng muhim 24 ta yo‘nalishi” doirasida deputatning fuqarolar murojaatlari bilan ishlash, “mahalla yettiligi” bilan hamkorlikni yo‘lga qo‘yish, aholi muammolarini xonadonbay o‘rganish hamda ularning yechimini ta’minlash borasida amalga oshirilayotgan ishlar tahlil qilindi.

O‘rganish yakunlari bo‘yicha aniqlangan kamchiliklarni bartaraf etish, deputatlik nazoratini kuchaytirish va “mahalla yettiligi” bilan hamkorlikni yanada takomillashtirish yuzasidan tegishli tavsiya va ko‘rsatmalar berildi.