Jaslardıń sport penen shuǵıllanıwı ushın jaratılǵan sharayatlar úyrenildi

Qanlıkól rayonında jaslardıń sport penen shuǵıllanıwı ushın jaratılǵan shárt-sharayatlardı úyreniw jumısları alıp barıldı. Belgilengen háptelik reje tiykarında Xalıq deputatları Qanlıkól rayonlıq Keńesi sekretariat baslıǵı T. Mamutov rayonlıq mektepke shekemgi hám mektep bilimlendiriw bólimine qaraslı bilim beriw mákemeleri úyrenildi.

Úyreniw dawamında 1-sanlı hám 18-sanlı ulıwma bilim beriw mekteplerindegi sport zalları, olardıń materiallıq-texnikalıq bazası, sonday-aq sport inventarlarınıń jaǵdayı menen tanısıldı.

Úyreniw nátiyjelerinde mekteplerde sporttı rawajlandırıw boyınsha belgili jetiskenlikler bar ekenligi atap ótildi. Sonday-aq ayrım kemshilikler hám mashqalalar da anıqlanıp, olardı saplastırıw boyınsha tiyisli usınıslar berildi.

Bul ilajlar jaslar arasında salamat turmıs tártibin qáliplestiriw, olardı sportqa keńirek tartıw hám qolay shárt-sharayatlar jaratıw maqsetinde dawam ettiriledi.

📱 Telegram (https://t.me/kanlikul_deputatlar_kenesi_2019) E-Kengash (https://kengash.gov.uz/news?region_id=13&authority_id=362)