Xalq deputatlari Paxtakor tumani Kengashi 20 – Oltinko‘l saylov okrugi deputati K.Mamanova hamda kotibiyat bosh mutaxassisi Sh.To‘xtamishev investitsiyalar holatini o‘rganish maqsadida “Semrug‘ Klaster” MCHJ faoliyati bilan tanishdi.

O‘rganish davomida korxonada amalga oshirilayotgan ishlab chiqarish jarayonlari va texnologik jihozlarning holati batafsil ko‘zdan kechirildi. Shuningdek, korxona tomonidan mahsulot sifatini yaxshilash va ichki bozorda raqobatbardoshlikni kuchaytirish bo‘yicha olib borilayotgan ishlar o‘rganildi.

Mutasaddilar bilan suhbat jarayonida korxonada yaratilgan ish o‘rinlari, xodimlar uchun yaratilgan shart-sharoitlar hamda kelgusida amalga oshirilishi rejalashtirilgan yangi loyihalar yuzasidan ma’lumotlar olindi. Shu bilan birga, ishlab chiqarish hajmini kengaytirish va hudud iqtisodiy rivojiga hissa qo‘shish masalalari muhokama qilindi.