Xalq deputatlari tuman Kengashi 3-okrug deputati Tadjibayev Alisher Abduraxim o‘g‘li hamda tuman Kengashi kotibiyati bosh mutaxassisi A. Ashirmatov bilan birgalikda okrug hududidagi “Shalola” mahallasiga tashrif buyurdi.

Tashrif davomida mahalladagi ijtimoiy xodim faoliyati o‘rganilib, aholining ijtimoiy ehtiyojmand toifalariga ko‘rsatilayotgan xizmatlarning sifatli tashkil etilishi, kam ta’minlangan oilalarga ijtimoiy nafaqalar va moddiy yordamlarni tayinlash hamda o‘z vaqtida to‘lash holati tahlil qilindi.

O‘rganish jarayonida aniqlangan masalalar yuzasidan tegishli tavsiyalar berilib, mavjud kamchiliklarni bartaraf etish bo‘yicha mas’ullarga aniq vazifalar belgilab berildi.

Bu kabi o‘rganishlar aholi farovonligini oshirish va ijtimoiy himoya tizimini yanada takomillashtirishga xizmat qiladi.