Prezidentimiz tomonidan payshanba kuni “Yoshlar kuni” deb e’lon qilinganligi munosabati bilan G‘ozg‘on shahrida yoshlar bilan
ishlash va ularni qo‘llab-quvvatlashga qaratilgan amaliy ishlar davom etmoqda. 

Shu munosabat bilan G‘ozg‘on shahar hokimi, Xalq deputatlari G‘ozg‘on shahar Kengashi deputati Nurali Jo‘rayev "Marmarobod" MFY hududida
joylashgan “DILSHODBEK STONE” MChJ marmar va granit ishlab chiqarish korxonasiga tashrif buyurib, yosh tadbirkorning faoliyati bilan yaqindan tanishdilar.

Tashrif davomida korxonada yo‘lga qo‘yilgan ishlab chiqarish jarayonlari, zamonaviy texnologiyalar, yaratilgan ish o‘rinlari hamda mahsulotlar sifati ko‘zdan kechirildi. Shuningdek, yosh tadbirkor bilan muloqot o‘tkazilib, uning kelgusidagi rejalari, mavjud muammolari va takliflari tinglandi.
Mas’ullar tomonidan tadbirkorlik faoliyatini yanada rivojlantirish, ishlab chiqarish hajmini oshirish hamda yangi ish o‘rinlarini yaratish yuzasidan tegishli tavsiyalar berildi.
Bunday uchrashuvlar yoshlarning tashabbuslarini qo‘llab-quvvatlash, ularni tadbirkorlikka keng jalb etish va hududda iqtisodiy faollikni oshirishga xizmat qilmoqda.