Xalq deputatlari Nurobod tumani Kengashi deputati A.Hakimov tomonidan tumandagi Oqsoy mahallasida saylovchilar bilan uchrashuv tashkil etildi.

🔹Uchrashuv davomida aholi bilan ochiq muloqot o‘tkazilib, ularni qiziqtirgan masalalar tinglandi. Shuningdek, deputat tomonidan O‘zbekiston Respublikasining 2022-yil 29-sentyabrda qabul qilingan “Elektron tijorat to‘g‘risida”gi O‘RQ-792-sonli Qonuni mazmun-mohiyati yuzasidan batafsil tushuntirish berildi.

🔹Xususan, ushbu qonunning ahamiyati, elektron savdoni amalga oshirish tartiblari, tadbirkorlar va iste’molchilarning huquq va majburiyatlari haqida ma’lumotlar yetkazildi. Bu esa raqamli iqtisodiyotni rivojlantirish, qulay va shaffof savdo muhitini yaratishda muhim o‘rin tutishi ta’kidlandi.

🔹Uchrashuv yakunida fuqarolarning murojaatlari qabul qilinib, ularni hal etish bo‘yicha tegishli chora-tadbirlar belgilandi.