ЎзЛиДеП Янгиқўрғон туман Кенгаши томонидан ёшларни касбга йўналтириш, уларда маънавий-тарбиявий кўникмаларни шакллантириш мақсадида Бекабот касб-ҳунар коллежининг битирувчи ёшлари билан “Депутат ва ёшлар” учрашув ташкил этилди.

Тадбирда ЎзЛиДеП Янгиқўрғон туман Кенгаши депутати Олимжон Мутавалиев иштирок этиб, ёшлар билан очиқ мулоқот ва самимий давра суҳбати олиб борди.

Давра суҳбати давомида ёшларга мамлакатимизда кечаётган сиёсий жараёнлар, сиёсий партияларнинг жамиятдаги ўрни, депутатларнинг ваколат ва масъулиятлари ҳақида атрофлича тушунчалар берилди. Шунингдек, таълим-тарбия жараёнида онгли ва фаол бўлиш, келажакда муносиб касб эгаси сифатида Ватан олдидаги бурчни адо этиш, халқ манфаатига хизмат қиладиган этук кадр бўлиб етишиш борасида фикр-мулоҳазалар билдирилди.

Учрашув ёшлар учун келажак режалари, касб танлаш ва фаол фуқаролик позициясини шакллантиришга хизмат қилган мазмунли мулоқот бўлди.