Xalq deputatlari Bag‘dod tumani Kengashi raisi hamda deputatlar ishtirokida sayyor qabul o‘tkazildi.

Xalq deputatlari Bagʼdod tumani Kengashi raisi Gʼ.Soliev, Fargʼona viloyati kengashi deputati M.Hurboev xamda tuman Kengashi deputati Gʼ.Аbdullaevlar Qoʼshtegirmon-1 mahallasidagi 40-umumiy oʼrta taʼlim maktabi xovlisida sayyor qabul oʼtkazdi. Qabulda 60 ga yaqin fuqarolar murojaatlari tinglandi. Ular asosan ichimlik suvi, TP va aporalar oʼrnatish, ichki yoʼllarni asfaltlash, ish bilan taʼminlash va kommunal xizmatlar masalalariga oid boʼldi. Jami 50 dan ortiq murojaat qabul qilindi, shundan 15 tasi joyida hal etildi. Muddat talab qiladigan masalalar tegishli tashkilotlarga yoʼnaltirildi va tuman idoralari rahbarlari ishtirokida ijrosi qatʼiy nazoratga olindi.

Xalq deputatlari Bag'dod tumani Kengashining yettinchi chaqiriq o‘n ikkinchi sessiyasi bo'lib o'tdi.

Xalq deputatlari Bag'dod tumani Kengashining yettinchi chaqiriq o‘n ikkinchi sessiyasida quyidagi masalalar ko'rib chiqildi: 1. O‘zbekiston Respublikasi Prezidentining 2025-yil 30-yanvardagi “Aholini ijtimoiy himoya qilish tizimini moliyalashtirish tartib-tamoillarini takomillashtirish to‘g‘risida”gi PF-17-sonli farmoni asosan tuman hokimligi huzurida tashkil etilgan “Infratuzilma va ijtimoiy barqarorlik” jamg‘armasi mablag‘larini yo‘naltirish to‘g‘risida. 2. Xalq deputatlari Bag‘dod tumani Kengashining 2025-yil 30-aprel kungi VII-8-45-11-152-K/25-sonli qaroriga o‘zgartirish kiritish to‘g‘risida.

Deputat nazorati.

Deputat nazorati. O‘zbekiston Respublikasi Vazirlar Mahkamasining 2021-yil 25-oktabrdagi “yetim bolalar va ota-ona qaramog‘idan mahrum bo‘lgan bolalarni ijtimoiy qo‘llab-quvvatlashga doir qo‘shimcha chora-tadbirlar to‘g‘risida”gi 656-sonli qarori asosida tumanda yetim bolalar va ota-ona qaramog‘idan mahrum bo‘lgan bolalarning ijtimoiy himoyasini kuchaytirish, turarjoylar bilan ta’minlash yuzasidan olib borilayotgan ishlar bo‘yicha xalq deputatlari Bag‘dod tumani Kengashi deputatlari D.Xamraqulov, I.Axmedovlar tomonidan o‘rganish olib borildi. O‘rganish davomida tumanda ikki nafar yetim bolalarga berilayotgan uy-joylar holati va yaratib berilayotgan sharoitlari ko‘zda kechirildi.

Bagʻdod tumanida davlat dasturlari ijrosi yuzasidan nazorat tahlil tadbirlari o'tkazildi.

Bagʻdod tumanida davlat dasturlari ijrosi yuzasidan nazorat tahlil tadbirlari o'tkazildi. Xalq deputatlari Farg‘ona viloyati Kengashi deputati Nafisaxon Elchiyeva tomonidan Bagʻdod tumanida davlat dasturlarining ijrosi yuzasidan amalga oshirilayotgan va kelgusida rejalashtirilayotgan ishlar bo'yicha tuman hokimi, tuman hokimining o‘rinbosarlari va tegishli tashkilotlar rahbarlarining tahliliy axborotlari eshitilib, nazoratga olindi.

Xalq deputatlari Bag'dod tumani Kengashining yettinchi chaqiriq o‘n birinchi sessiyasi bo'lib o'tdi.

Xalq deputatlari Bag'dod tumani Kengashining yettinchi chaqiriq o‘n birinchi sessiyasida quyidagi masalalar ko'rib chiqildi: Tuman hokimining birinchi oʼrinbosari Umidjon Maxmudov tomonidan 2025 yil 2-choragida mahalliy byudjetning ortiqcha tushumlaridan mablagʼlar taqsimoti yuzasidan axborot berildi. “Infratuzilma va ijtimoiy barqarorlik” jamgʼarmasi hisobidan ajratiladigan mablagʼlar muhokama qilindi. Аdliya boʼlimi, gaz va elektr taʼminoti, suv taʼminoti, maktab va maktabgacha taʼlim, tibbiyot, soliq, suv xoʼjaligi, chiqindi xoʼjaligi va yoshlar masalalari boʼyicha mutasaddilar hisobot berdi. Taʼlim sohasidagi muammolar, jinoyatchilikning oldini olish, maktabgacha taʼlimda sanitariya talablariga rioya qilish, kadrlar tayyorgarligi va taʼlim muassasalarida korruptsiyaga qarshi choralar ham sessiya muhokamasida alohida oʼrin egalladi. Shuningdek, deputatlar oʼz saylovchilari oldida hisobot berish tartibi yuzasidan jadval tasdiqlandi.

Xalq deputatlari Bag'dod tumani Kengashining yettinchi chaqiriq o‘ninchi sessiyasi bo'lib o'tdi.

Xalq deputatlari Bag'dod tumani Kengashining yettinchi chaqiriq o‘ninchi sessiyasida quyidagi masalalar ko'rib chiqildi: 1. O‘zbekiston Respublikasi Prezidentining 2025-yil 3-yanvar kungi “2025-yilda Respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish bo‘yicha chora-tadbirlar to‘g‘risida”gi PQ-1-son Qarori ijrosi hamda korrupsiyani oldini olish yuzasidan 2025-yil 2-choragida amalga oshirilgan ishlar bo‘yicha Bag‘dod tumani prokurori A.Muxtorov axboroti to‘g‘risida. 2. Bag‘dod tumani Ichki ishlar bo‘limi boshlig‘i F.T.Xayitovning 2025-yil 2-choragi davomida huquqbuzarliklar va jinoyatchilikga qarshi kurashish va korrupsiyani oldini olish bo‘yicha hamda Ichki ishlar boshlig‘ining o‘rinbosari-jamoat xavfsizligi xizmati boshlig‘i I.Meliboyevning 2-chorak davomida tumanda jamoat xafsizligini ta’minlash hamda huquqbuzarliklar va jinoyatchilikga qarshi kurash bo‘yicha amalga oshirilgan ishlar yuzasidan hisobotlari to‘g‘risida. 3. Tuman hokimining o‘rinbosarlari (U.Maxmudov, Q.Mirtazaqulov, U.Yigitaliyev, A.Ashurov, X.Qmbarova, O.xalimov)larning: - O‘zbekiston Respublikasi Prezidentining 2024-yil 16-dekabrdagi “Farg‘ona viloyatini ijtimoiy-iqtisodiy rivojlantirish hamda investitsiya va tadbirkorlik muhitini yanada yaxshilash chora-tadbirlari to‘g‘risida”gi PQ-440-sonli qarori ijrosi bo‘yicha; - O‘zbekiston Respublikasi Prezidentining 2024-yil 20-dekabrdagi “Hududlarda yuqori iqtisodiy o‘sish va aholi bandligini ta’minlashning yangi tizimini yo‘lga qo‘yish hamda bu borada mahalliy hokimliklarning roli va mas’uliyatini oshirish chora-tadbirlari to‘g‘risida”gi PF-223-sonli Farmoniga asosan xalq deputatlari Bag‘dod tumani Kengashining 2025-yil 27-yanvar “2025-yilda Bag‘dod tumani kompleks ijtimoiy-iqtisodiy rivojlantirish dasturi to‘g‘risida”gi VII-4-4-11-152-K/25-sonli qarori ijrosi; - O‘zbekiston Respublikasi Prezidentining 2023-yil 11-sentabrdagi “O‘zbekiston — 2030 strategiyasi to‘g‘risida”gi PF-158-sonli Farmoni ijrolari bo‘yicha tumanda amalga oshirilgan ishlar yuzasidan hisobotlari. 4. O‘zbekiston Respublikasi Budjet kodeksining 120-moddasi to‘rtinchi qismiga muvofiq budjetdan ajratiladigan mablag‘lar kamaytirilishi natijasida bo‘shab qolgan qo‘shimcha mablag‘lardan foydalanish to‘g‘risida. 5. 2025-yil 2-choragida jamoatchilik fikri asosida shakllantirilgan tadbirlarni moliyalashtirishga yo‘naltirilgan mablag‘lar hisoboti. 6. Bagʻdod tumani mahalliy budjetining 2025-yil 2-chorak ijrosini toʻgʻrisida. 7. O‘zbekiston Respublikasi Vazirlar Mahkamasining 2024-yil 11-oktabrdagi 665-son qaroriga muvofiq, Farg‘ona viloyati Bag‘dod tuman Obodonlashtirish boshqarmasi tasarrufidagi ichki yo‘llarni saqlash va joriy ta’mirlash ishlari bo‘yicha 2025-yil 2-yarim yillik uchun manzilli ro‘yxatini tasdiqlash to‘g‘risida tuman hokimi o‘rinbosari U.Yigitaliyevning hisoboti haqida. 8. O‘zbekiston respublikasi Prezidentining 2023-yil 10-apreldagi “Ijtimoiy soha obyektlarining isitish tizimlarini davlat-xususiy sheriklik asosida modernizasiya qilish to‘g‘sida”gi PQ-118-son qaroriga asosan tumandagi ijtimoiy soha ob‘ektlarini issiqlik ta‘minoti tizimini DXSH asosida xususiy sherik boshqaruviga berish va modernizasiya qilish to‘g‘risida tuzilgan DXSH to‘grisidagi bitimlarga o‘zgartishlar kiritish to‘g‘risida. 9. 2025-yilning 2-choragi davomida Bag‘dod tumanida yoshlarning muammolarini o‘rganish va qo‘llab-quvvatlash maqsadida o‘tkazilgan uchrashuv va muloqotlarda yoshlar tomonidan ko‘tarilgan muammo va takliflar to‘g‘risida. 10. O‘zbekiston Respublikasi Prezidentining 2023-yil 21-dekabrdagi PQ-402- sonli qarori ijrosi yuzasidan 2025-yil6 oyi davomida mahallaning ijtimoiy-iqtisodiy muammolarini hal etish jamg‘armasining daromadlari va xarajatlari ijrosi to‘g‘risida.

Xalq deputatlari Bag'dod tumani Kengashining yettinchi chaqiriq to‘qqizinchi sessiyasi bo'lib o'tdi.

Xalq deputatlari Bag'dod tumani Kengashining yettinchi chaqiriq to‘qqizinchi sessiyasida quyidagi masalalar ko'rib chiqildi: 1. Tashkiliy masalalar, 2. Fargʼona viloyatini ijtimoiy-iqtisodiy rivojlantirish va tadbirkorlik muhitini yaxshilashga qaratilgan Prezident qarori ijrosi boʼyicha hisobotlar. 3. Oliy Majlis Senati Kengashining mahalliy Kengashlar faoliyatini takomillashtirishga oid qarorlari. 4. Kengash tekshiruvini oʼtkazish tartibini tasdiqlash. 5. Yoshlar maslahat guruhini tuzish. 6. “Suv yetkazib berish xizmati” davlat muassasasining hududlar va isteʼmolchilar boʼyicha suv limitlarini tasdiqlash kabi masalalar muhokama qilindi.

Saylovchilar bilan uchrashuv

Saylovchilar bilan uchrashuv Xalq deputatlari Bag‘dod tumani Kengashining 11-Chekmirzaobod saylov okrugi deputati A.Sirojiddinov o‘z saylangan hududi, Chekmirzaobod mahallasi aholisi bilan navbatdagi uchrashuvni o‘tkazdi. Uchrashuvda o‘tgan to‘rt oy davomida hududni ijtimoiy-iqtisodiy rivojlantirish, aholini yashash sharoitini yaxshilash bo‘yicha amalga oshirilgan ishlar hamda kelgusidagi vazifalar yuzasidan axborot berdi. Uchrashuv davomida saylovchilar tomonidan mahallalarni ijtimoiy-iqtisodiy rivojlantirish bo‘yicha muammo va takliflari eshitdi va kelgusida bajariladigan ishlar belgilab olindi. O‘zbekiston Respublikasi Prezidenti hujjatlari, Oliy Majlis palatalari va Hukumat qarorlari, Oliy darajadagi tashriflar davomida erishilgan kelishuvlar yuzasidan ishlab chiqilgan “yo‘l xaritalari”da Bag‘dod tumanida ijtimoiy-iqtisodiy rivojlantirish yuzasidan belgilangan chora-tadbirlarni manzilli o‘rganish hamda samarali nazorat o‘rnatish maqsadida, mahallada dasturlarga kiritilgan 1-chorak bajarilishi belgilangan 5 ta loyihalar joyiga chiqib o‘rganildi. Shuningdek, mahallada joylashgan 41-Davlat Maktabgacha ta’lim tashkilotidagi muammolar o‘rganilib, ijrosini ta’minlash yuzasidan deputatlik nazorati o‘rnatildi.

Xalq deputatlari Bag‘dod tumani Kengashining 9-Tuvadoq saylov okrugi deputati D.Karimova o‘z saylangan hududi, Tuvadoq mahalla fuqarolar yig‘ini aholisi bilan navbatdagi uchrashuvni o‘tkazdi.

Xalq deputatlari Bag‘dod tumani Kengashining 9-Tuvadoq saylov okrugi deputati D.Karimova o‘z saylangan hududi, Tuvadoq mahalla fuqarolar yig‘ini aholisi bilan navbatdagi uchrashuvni o‘tkazdi. Uchrashuvda o‘tgan to‘rt oy davomida hududni ijtimoiy-iqtisodiy rivojlantirish, aholini yashash sharoitini yaxshilash bo‘yicha amalga oshirilgan ishlar hamda kelgusidagi vazifalar yuzasidan axborot berdi. Uchrashuv davomida saylovchilar tomonidan mahallalarni ijtimoiy-iqtisodiy rivojlantirish bo‘yicha muammo va takliflari eshitilib, tegishli tashkilotlarga so‘rovlar chiqarildi. Uchrashuvda O‘zbekiston Respublikasi Oliy Majlisi Qonunchilik Palatasi Kengashining va O‘zbekiston Respublikasi Oliy Majlisi Senati Kengashining 2019-yil 14-sentabrdagi “To‘ylar, oilaviy tantanalar, ma’raka va marosimlar o‘tkazilishini tartibga solish tizimini yanada takomillashtirish to‘g‘risida”gi 2736-III/KQ-592-III-sonli qo‘shma qarori yuzasidan mahalla faollariga tushuntirishlar berildi Jumladan uzoq yillik qadriyatlari va an’analarini o‘zida aks ettirgan to‘ylar, oilaviy tantanalar, ma’raka va marosimlar o‘tkazishda shuhratparastlik, o‘zini ko‘z-ko‘z qilish, boshqalarning ijtimoiy ahvolini inobatga olmaslik, isrofgarchilik, xalqimizning urf-odatlari va an’analarini mensimaslik kabi illatlar ko‘zga tashlanayotganligi va bularni oldini olish uchun aholi orasida targ‘ibot tadbirlarini ko‘paytirish va jamoatchilik nazoratini o‘rnatish bo‘yicha fikr bildirib o‘tdi. Shuningdek, O‘zbekiston Respublikasi Prezidenti hujjatlari, Oliy Majlis palatalari va Hukumat qarorlari, Oliy darajadagi tashriflar davomida erishilgan kelishuvlar yuzasidan ishlab chiqilgan “yo‘l xaritalari”da Bag‘dod tumanida ijtimoiy-iqtisodiy rivojlantirish yuzasidan belgilangan chora-tadbirlarni manzilli o‘rganish hamda samarali nazorat o‘rnatish maqsadida, mahallada dasturlarga kiritilgan loyihalar joyiga chiqib o‘rganildi hamda nazoratga olindi.

Yangiliklar

Kengashlar

Doimiy komissiya yigʼilishi boʼlib oʼtdi