Xalq deputatlari Qo‘qon shahar Kengashi deputati, Qo‘qon shahar hokimi M.Usmonov Qo‘qon shahrida xorijiy tillar, matematika va axborot texnologiyalariga ixtisoslashgan “Itline” xususiy maktabi faoliyati bilan tanishdi.

Yangi o‘quv yilidan boshlab o‘z bag‘riga o‘quvchilarni qabul qilgan mazkur ta’lim maskanida yaratilgan sharoitlar, o‘quv jarayonining tashkil etilishi hamda ta’lim yo‘nalishlari bilan yaqindan tanishildi. 

Mustaqillik darsi jarayonida M.Usmonov o‘quvchi-yoshlar bilan samimiy muloqot qildi. Suhbat davomida ta’lim va tarbiya, maktab odobi, Vatanga muhabbat, milliy qadriyatlarimiz va yoshlarning kelajakdagi maqsadlari haqida fikrlar bildirildi.

Yangi maktabda ta’lim jarayoni akademik bilim, tarbiya, xorijiy tillarni chuqur o‘rganish hamda shaxsiy rivojlanish yo‘nalishlarini qamrab olgan “Yuksalish” maktabi tajribasi asosida yo‘lga qo‘yilgan.

Bugundan boshlab 220 nafar o‘quvchi ushbu yangi ta’lim dargohida bilim olishni boshladi.

Xalq deputatlari Qo‘qon shahar Kengashi