Xalq deputatlari Taxiatosh tumani Kengashi deputati Medetova Asiya Nizamatdinovna hamda Kengash kotibiyati mudiri Matniyazov Akbar Qadirovich “Xalqlar do‘stligi” mahallasida aholi bilan uchrashuv o‘tkazdi.

Uchrashuv davomida fuqarolarning murojaatlari tinglanib, ularni qiynab kelayotgan muammolar atroflicha o‘rganildi. Shuningdek, hududda joylashgan 2-sonli maktab ma’muriyati tomonidan bildirilgan masalalar ham alohida ko‘rib chiqildi.

🏫 Maktabdagi mavjud muammolar va ularning yechimlari yuzasidan fikr almashilib, amaliy choralar belgilab olindi.

🚧 Aholi va ta’lim muassasasidagi muammolarni bartaraf etish maqsadida tegishli tashkilotlarga deputat so‘rovlari yuborish bo‘yicha qaror qabul qilindi.

📊 Joylardagi muammolarni o‘z vaqtida o‘rganish va ularga yechim topish — samarali deputatlik faoliyatining muhim yo‘nalishlaridan biri hisoblanadi.