Ijtimoiy obyektlarda e’tibor va nazorat samara bermoqda

📌2025-yil yanvar oyida Past Darg‘om tumanidagi “Al Beruniy” oilaviy shifokorlik punktida deputatlar tomonidan o‘tkazilgan o‘rganishlar davomida muassasa binosining eskirgani va zamonaviy tibbiy xizmat ko‘rsatish talablariga javob bermasligi aniqlangan edi.

✍️Mazkur muammo xalq deputatlari viloyat Kengashi deputatlari hamda partiya vakillari tomonidan nazoratga olinib, tegishli tashkilotlarga murojaatlar kiritildi.

✅Natijada bugungi kunda obyektda keng ko‘lamli rekonstruksiya ishlari olib borilmoqda. Loyiha doirasida qariyb 2 milliard 400 million so‘m mablag‘ evaziga mavjud bino to‘liq ta’mirlanib, zamonaviy oilaviy poliklinikaga aylantirilmoqda.

♾ Yangi tibbiyot muassasasi 8,5 mingdan ortiq aholiga sifatli tibbiy xizmat ko‘rsatish imkonini yaratadi.
Ushbu loyiha bilan viloyat Kengashi deputati Gulbeka Kuchkarova qurilish ishlari bilan tanishib, ishlarning sifati va muddatlariga alohida e’tibor qaratdi.

📌 Mutasaddilar ma’lumotiga ko‘ra, obyektni joriy yilning 15-iyuliga qadar foydalanishga topshirish rejalashtirilgan.
Bu loyiha — jamoatchilik nazorati, deputatlik nazorati va fuqarolar manfaatlariga qaratilgan amaliy ishlarning yana bir yorqin natijasidir.