Xalq deputatlari Paxtakor tuman Kengashining navbatdagi o'n birinchi sessiyasi bo‘lib o‘tdi. Unda tuman Kengashi raisi Ashurov Asilbek Raxmonovich, viloyat Kengashining deputati Eshmatov Anorboy Abbasovich, deputatlar, Kengash huzuridagi Yoshlar maslahat guruhi a'zolari, tegishli tashkilot rahbarlari, jamoatchilik vakillari va OAV ishtirok etdi. Sessiya kun tartibiga o'nga yaqin masalalar yuzasidan muhokamalar o‘tkazildi.

Kun tartibidan joy olgan masalalar:  

Paxtakor tumaniga Respublika va viloyat byudjeti mablag‘lari hisobidan tumanni ijtimoiy-iqtisodiy rivojlantirish maqsadida ajratilgan mablag‘larning o‘zlashtirilishi bo‘yicha olib borilayotgan ishlar to‘g‘risida. 

Paxtakor tumanida ko‘p qavatli uy-joylarni kuz-qish mavsumiga tayyorlash, ularning atrofini ko‘kalamzor-lashtirish va obodonlashtirish, drenaj tizimini yaxshilash hamda tumanni ijtimoiy-iqtisodiy rivojlantirish va aholini qiynab kelayotgan boshqa muammolarni bartaraf etish chora-tadbirlarini amalga oshirish to‘g‘risida. 

Paxtakor tumani prokuraturasi tomonidan qonuniylikni mustahkamlash, fuqarolarning huquq va erkinliklarini muhofaza qilish, jinoyatchilik hamda huquqbuzarlik-larning oldini olish borasida 2025 yil 1-yarimida amalga oshirilgan ishlar va kelgusidagi vazifalar to‘g‘risida. 

Tuman ichki ishlar bo‘limi boshlig‘ining 2025 yil 1-yarim yilligi davomida jinoyatchilikni barvaqt oldini olish va huquqbuzarliklar profilaktikasini ta’minlash borasida amalga oshirilgan ishlar to‘g‘risida. 

Tumanda sog‘liqni saqlashni rivojlantirishga oid davlat dasturlarining bajarilishi, kasalliklar profilaktikasining holati, sog‘lom turmush tarzini va to‘g‘ri ovqatlanishni shakllantirish, shuningdek sog‘liqni saqlashning asosiy ko‘rsatkichlari bo‘yicha olib borilayotgan ishlar to‘g‘risida. 

va boshqa bir qancha masalalar.