Shodlik mahallasida xotin-qizlar faoli faoliyati samaradorligi o‘rganildi

Xalq deputatlari Namangan shahar Kengashi kotibiyati mudiri N.Ubaydullayev tomonidan Shodlik mahalla fuqarolar yig‘inida xotin-qizlar faoli tomonidan amalga oshirilayotgan ishlar samaradorligi o‘rganildi. Mazkur yo‘nalish Mahalliy Kengash deputatlari faoliyatining ustuvor yo‘nalishlaridan biri etib belgilangan.

O‘rganish davomida xotin-qizlarning bandligini ta’minlash, tadbirkorlikka jalb etish, kasb-hunarga o‘qitish, "Ayollar daftari" bilan ishlash, ijtimoiy himoyaga muhtoj xotin-qizlarni har tomonlama qo‘llab-quvvatlash, oilalarda sog‘lom ma’naviy-axloqiy muhitni mustahkamlash hamda xotin-qizlarning huquq va qonuniy manfaatlarini ta’minlash borasida amalga oshirilayotgan ishlar tahlil qilindi.

Shuningdek, aniqlangan holatlar yuzasidan mas’ullarga tegishli tavsiyalar berilib, xotin-qizlar faoli faoliyati samaradorligini yanada oshirish, mavjud muammolarni tizimli bartaraf etish hamda bu boradagi ishlar natijadorligini kuchaytirish yuzasidan zarur chora-tadbirlarni amalga oshirish lozimligi ta’kidlandi.