#24_másele
#5_sanlı_K_Nurlıbaev_saylaw_okrugi
#Milliy_tiklanish_demokratik_partiyası

✅ Deputat rayondaǵı kómir támiynatı kárxanasınıń 2026-2027-jıllar gúzgi-qısqı máwsimine tayarlıǵın úyrendi

⚡️ Ózbekstan Respublikasınıń 2024-jıl 7-avgust kúni “Energiyanı únemlew, onnan aqılǵa uǵras paydalanıw hám energiya nátiyjeliligin arttırıw haqqında”ǵı ÓRN-940-sanlı Nızamı tiykarında Xalıq deputatları Shımbay rayonlıq Keńesi sekretariat baslıǵı M.Zarikeev tárepinen rayondaǵı kómir támiynatı kárxanasında 2026-2027-jıllar gúzgi-qıs máwsimine tayarlıq jaǵdayı úyrenildi.

Úyreniw dawamında kárxanada máwsimge tayarlıq kóriw, xalıq hám sociallıq taraw mákemelerin kómir janılǵısı menen óz waqtında támiyinlew, kómir rezervin qáliplestiriw hám onı saqlaw ushın jaratılǵan sharayatlar menen tanıstı.

Sonday-aq, kómirdi qabıllaw, saqlaw hám tutınıwshılarǵa jetkerip beriw processleri, bar mashqalalar jáne gúzgi-qısqı máwsimdi zıyansız ótkeriw boyınsha ámelge asırılıp atırǵan jumıslar kórip shıǵıldı.

Úyreniw juwmaǵında máwsim dawamında xalıqtı sapalı kómir menen úzliksiz támiyinlew, támiynat procesinde júzege keliwi múmkin bolǵan mashqalalardı óz waqtında saplastırıw hám belgilengen wazıypalardıń orınlanıwın támiyinlew boyınsha tiyisli usınıslar bildirildi.