Aholini elektr energiyasi bilan barqaror va sifatli ta’minlash bugungi kunda mahallalardagi eng muhim masalalardan biri hisoblanadi. Shu bois xalq deputatlari mahalliy Kengashlari deputatlari tomonidan saylovchilar murojaatlarida ko‘tarilayotgan muammolarni o‘rganish va ularning yechimini ta’minlashga alohida e’tibor qaratilmoqda.
🇺🇿Xalq deputatlari Jondor tumani Kengashiga 8-Oxshix saylov okrugidan saylangan deputat X. Xodjayyev tomonidan O‘zbekiston Respublikasining 07.08.2024 yildagi “Elektr energetikasi to‘g‘risida”gi O‘RQ-939-sonli Qonuni ijrosini ta’minlash maqsadida Ko‘libolo va Oxshix qishloqlaridagi elektr ta’minoti bilan bog‘liq muammolar o‘rganildi.
👉O‘rganishlar davomida aholini elektr energiyasi bilan ta’minlashda mavjud ayrim muammolar, xususan, ta’minot barqarorligi bilan bog‘liq masalalarga e’tibor qaratildi. Saylovchilarning murojaat va takliflari asosida mazkur muammolarni bartaraf etish, elektr ta’minoti sifatini yaxshilash bo‘yicha mas’ul tashkilotlar oldiga aniq vazifalar qo‘yish zarurligi ta’kidlandi.
Shu munosabat bilan deputat X. Xodjayyev tomonidan Ko‘libolo va Oxshix qishloqlaridagi elektr ta’minoti muammolarini bartaraf etish yuzasidan tuman elektr ta’minoti korxonasi rahbari O. Usmonov nomiga deputatlik so‘rovi yuborildi.
🇺🇿Deputatlik so‘rovida aholi uchun muhim bo‘lgan elektr ta’minoti masalalarini atroflicha o‘rganish, mavjud kamchiliklarni bartaraf etish hamda elektr energiyasini uzluksiz va sifatli yetkazib berish bo‘yicha amaliy choralar ko‘rish so‘raldi.
👉Mazkur masalaning ijrosi deputat tomonidan nazoratga olinib, aholi murojaatlarida ko‘tarilayotgan muammolarning amaliy yechimiga erishishga alohida e’tibor qaratiladi.