🟦 “KAMBAG‘ALLIKDAN FAROVONLIK SARI” DASTURI IJROSI O‘RGANILDI

✅ Xalq deputatlari Navoiy shahar Kengashining 28-sessiyasi kun tartibiga kiritilgan masala yuzasidan o‘rganish ishlari olib borildi.
Xalq deputatlari Navoiy shahar Kengashi kotibiyat mudiri Jo‘rabek Hafizov hamda kotibiyat bosh mutaxassisi Diyorbek Toyirov tomonidan O‘zbekiston Respublikasi Prezidentining 2024-yil 25-noyabrdagi “Kambag‘allikdan farovonlik sari” dasturini amalga oshirishga faol nuroniylarni jalb etish chora-tadbirlari to‘g‘risida”gi PQ-405-son qarori ijrosini ta’minlash yuzasidan o‘rganish ishlari amalga oshirildi.

🔹 O‘rganish davomida “Nuroniy jamg‘armasi” Navoiy shahar bo‘limi tomonidan mazkur qarorda belgilangan vazifalar ijrosini ta’minlash borasida amalga oshirilayotgan ishlar tahlil qilindi.

🔹 Xususan, faol nuroniylarni “Kambag‘allikdan farovonlik sari” dasturini amalga oshirish jarayonlariga keng jalb etish, ularning boy hayotiy tajribasi va salohiyatidan samarali foydalanish, ehtiyojmand oilalarni qo‘llab-quvvatlash hamda aholi farovonligini oshirish borasidagi ishlarga alohida e’tibor qaratildi.

🔹 Shuningdek, nuroniylarning yoshlar tarbiyasi, oilalarda sog‘lom ma’naviy muhitni shakllantirish, aholi bandligini ta’minlash va ijtimoiy ko‘makka muhtoj fuqarolarni qo‘llab-quvvatlashdagi faol ishtirokini yanada kuchaytirish masalalari muhokama qilindi.

📊 O‘rganish yakunlari bo‘yicha aniqlangan masalalarni bartaraf etish, belgilangan vazifalar ijrosini yanada takomillashtirish hamda PQ-405-son qaror talablarining to‘liq va sifatli bajarilishini ta’minlash yuzasidan tegishli tavsiyalar berildi.

🌿 Nuroniylarning boy hayotiy tajribasi — jamiyat taraqqiyoti va xalq farovonligi yo‘lidagi muhim omildir!