KO‘CHAMA-KO‘CHA — XALQ OVOZI,  AMALIY NATIJA!

Xalq deputatlari Qo‘shko‘pir tuman Kengashi deputati Rayhon Matyaqubova O‘shoq qala mahallasidagi Tadbirkorlar va Obod maskan ko‘chalarida bo‘lib, fuqarolar bilan uchrashdi hamda ularning muammo va takliflarini o‘rgandi.
Uchrashuv davomida imkoniyati cheklangan fuqaro Bekchanov Murodjon farzandini hamda fuqaro Rahimov Ibrat Farhodovich ikki nafar farzandini 5-son maktabgacha ta’lim tashkilotiga bepul qabul qilish va tarbiyalashda amaliy yordam so‘rab murojaat qildi.
Deputat tomonidan fuqarolarning murojaatlari e’tiborsiz qoldirilmay, tegishli tashkilotlar bilan hamkorlikda masala o‘rganildi va ijobiy hal etildi.
Bunday amaliy sa’y-harakatlar xalq vakilining fuqarolar bilan bevosita muloqotini kuchaytirish, ularning qonuniy manfaatlarini himoya qilish hamda aholi muammolarini joyida hal etishga qaratilgan muhim qadamdir.
Fuqarolar murojaatlarini o‘z vaqtida tinglash va ularga amaliy yechim topish — xalq deputatlari Kengashlari faoliyatining muhim yo‘nalishidir.